PWK: Em ji ber îdam kirina 4 girtiyên sîyasî yên  kurd Dewleta Îranê şermezar dikin

.

Roja duşemê, 29.01.2024ê, 4 girtiyên sîyasî yên kKurd , Pêjman Fatihî, Muhsin Mezlûm, Wefa Azerbar û Mihemed Feramerzî, li zîndana Qizilhisara bajarê Kerecê ji alîyê Dewleta Îranê ve  hatin îdam kirin.

4 girtiyên sîyasî yên kurd, endamên Komeleya Şoreşger a Zehmetkêşên Kurdistana Îranê bûn.

Dewleta Îranê ji alîyekî bi zext, îşkence, girtin û kuştinan dixwaze rê li ber doza azadîya Rojhilatê Kurdistanê bigire, ji alîyekî jî her meh bi dehan mirovan îdam dike ku piranîya wan kurd in.

Êrîş û îdam û kuştinên Dewleta Îranê wê nikaribe rê li ber doza azadîya Kurdistanê bigire.

Ji ber îdam kirina 4 girtiyên sîyasî yên kurd, ji ber hemû qetlîam, kuştin û îdamên ku hatine kirine, em Dewleta Îranê carek din bi tundî şermezar dikin.

Em sersaxîyê ji malbatên her 4 welatperwerên kurd, ji rêvebir û endamên Komeleya Şoreşger a Zehmetkêşên Kurdistana Îranê, ji gelê Kurdistanê re dixwazin.

Em wek PWK  careke din bangî raya giştî ya cîhanê, Netewên Yekbûyî, sazîyên nevnetewî dikin da ku li himberî van îdamên Dewleta Îranê bê deng nemînin; bi helwestên encamgir rê li ber van îdaman bigrin.

31.01.2024

Buroya Ragehandinê ya Partîya Welatparêzên Kurdistanê (PWK)

Kurdistan Haberleri

SOHR: HSDê 40 endamên DAIŞê radestî Iraqê kirin
Ji bo derbaskirina krîza Kurdistanê, pêwîst e hilbijartin bên lidarxistin - Arif Qurbanî*
Mesrûr Barzanî ji Hikûmeta Iraqê re: Erkên xwe bicih bînin
ENKS: Sîstema nenavendî wê yekbûna Sûriyê biparêze
Sûriye | Ebû Şeqra yê di lîsteya terorê de bû fermandarê Herêma Cizîrê