Buroya Ragehandinê ya Partîya Welatparêzên Kurdistanê (PWK):
Em êrîşên Dewleta Îranê û pêgirtîyên wê yên terorîst şermezar dikin
Dewleta Îranê û pêgirtîyên wê yên terorîst yên li Iraqê ne, di êrîşên xwe yên li ku li ser Başûrê Kurdistanê û kampên li Başûrê Kurdistanê yên ku sivîlên ji Rojhilatê Kurdistanê lê dijîn de berdewam in.
Dewleta Îranê, di 24ê Adarê, derdora saet 03.00ê sibehê de, bi balafirên bêmirov (ÎHA) û fuzeyan êrîşek bir ser yekîneyeke pêşmergeyên Kurdistanê yên li ser Çîyayê Spilkê yê ser bi nahiyeya Xelîfan a navçeya Soran a parêzgeha Hewlêrê li Başûrê Kurdistanê. Li gorî agahîyên destpêkê, di vê êrîşê de 6 pêşmerge şehîd bûne û 30 Pêşmerge jî birîndar bûne.
Bi destpêkirina şerê Amerîka/Îsraîlê yê li dijî Îranê di 28ê Sibatê de, Dewleta Îranê û pêgirtîyên wê yên terorîst yên li Iraqê herî kêm bi 400 balafirên bêmirov û fuzeyan êrîş birine ser Başûrê Kurdistanê. Di van êrîşan de 8 kesan jiyana xwe ji dest da. Ji van kesek endamê Asayîşa Balafirgeha Navdewletî ya Hewlêrê, şeş Pêşmergeyên Rojhilatê Kurdistanê û yê din jî leşkerekî Fransî bû ku li Hewlêrê dima.
Dewleta Îranê û pêgirtîyên wê yên terorîst ên ku li Iraqê ne, rûyên xwe yên dijminatîya li himberî gelê Kurdistanê nîşan didin û êrîşan dibin ser Başûrê Kurdistanê û kampên li Başûrê Kurdistanê ku sivîlên ji Rojhilatê Kurdistanê ne lê dijîn. Em van êrîşan protesto dikin, şermezar dikin.
Bi hêviya ku rejîma terorîst a Dewleta Îranê were rûxandin, ji bo gelê me yê Rojhilatê Kurdistanê rêya azadî û statuya siyasî û ji bo hemû gelên li Îranê rêya azadî, wekhevî, edalet û demokrasiyê vebe; em careke din diyar dikîn ku em li cem xuşk û birayên xwe yên Rojhilat û Başûrê Kurdistanê ne.
Ruhê şehîdên me şad, cihê wan bihuşt be.
Em sersaxiyê ji malbatên şehîdan û ji gelê xwe re û şifaya xêrê ji birîndaran re dixwazin.
24.03.2026
Buroya Ragehandinê ya Partîya Welatparêzên Kurdistanê (PWK)