Partiya Welatparêzên Kurdistanê (PWK) têkildarî tayînkirina qeyûman ji bo şaredariyên Dêrsim û Ovacikê daxuyaniyeke nivîskî da û ev biryar şermezar kir."Em biryara tayin kirina qeyûmên li ser Dêrsim û Plûrê şermezar dikin
Wezarete Navxwe ya Komara Tirkîyeyê ragihand ku Serokê Şaredariya Dêrsimê ya DEM Partiyê Cevdet Konak û Serokê Şaredariya Pilûrê ya CHPyê Mustafa Sarigul, ji wazîfeya wan wergirt û li cîhê wan qeyûm tayîn kir.
Li şûna Cevdet Konak, Parêzgarê Dêrsimê Bulent Tekbiyikoglu wekî qeyûm hat tayînkirin.
Li şûna Mustafa Sarigul, Qaymeqamê Pilûrê Huseyîn Şamîl wekî qeyûm hat tayînkirin.
Biryara tayîn kirina qeyûman, tune hesibandin û binpê kirina îradeya dendêrên Dêrsim û Pilûrê ye, biryareke sîyasî ye, li dijî pîvanên demokrasîyê ye, nayê qebûl kirin.
Em biryarên tayîn kirina qeyûman şermezar dikin.
Divê serokên şaredarîyên Dêrsim û Pilûrê vegerin ser wazîfeyên xwe."
23.11.2024
Buroya Ragehandinê ya Partîya Welatparêzên Kurdistanê (PWK)