Li sînorê navçeya Amêdiyê vê êvarê çekdarên PKKê teqe li xaleke hêzên Pêşmerge kirin.
Çavkaniyekî serbazî li navçeya Amêdiyê ji K24ê re ragihand; vê êvarê çekdarên PKKê li gundê Sergelê yê nêzîkî sînorê navçeya Amêdiyê teqe li xaleke hêzên Pêşmergeyê Zêrevanî kirin.
Heman çavkanî eşkere kir ku heta 10 xulekan teqekirin berdewam bû û di encama êrîşê de ji bilî zirarên maddî, ziyan negihiştiye canê ti kesî û pêşmerge bi selamet in, herwiha got: “Pêşmerge bersiva êrîşa PKKê neda.”
Çendîn car çekdarên PKKê li deverên cuda cuda yên Kurdistanê, bi taybetî jî li sînorê navçeya Amêdiyê, bêyî ti hincetek êrîş dikin ser hêzên Pêşmerge û heta niha çendîn pêşmerge şehîd û birîndar bûne.
Ji ber şerê PKK û artêşa Tirkiyê, li deverên sînorî yên Herêma Kurdistanê bi sedan gund vala bûne û bi hezaran malbat jî aware bûne.
K24