Berhema nivîskarekî Kurd li Fînlandê bû pirtûka sala 2026an.
Nivîskar di pirtûka xwe de bi rêya wêneyan çîrokan ji bo zarokan vedibêje.
Zagros Menûçer fîlmçêker û hunermendekî Kurd e û li Fînlandê dijî.
Wî mastera xwe li Akademiya Hunerên Ciwan a Zanîngeha Hunerî ya Helsînkiyê kiriye.
Berhemên wî di festîvalên navneteweyî yên fîlman, pêşangeh û navendên çandî de hatine nîşandan.
"Pirtûka Zarokan a herî baş"
Zagros Menûçer ji bernameya Diyasporayê ya Rûdawê re ragihand ku ew di karên xwe de girîngiyeke taybet dide zarokan.
Her wiha ew dersên hunerî dide zarok û ciwanan.
Pirtûka bi navê "Xelkê Kapykoloyê" (Käpykolon väkeä) pirtûka wî ya yekemîn e ku ji bo zarokan nivîsiye.
Vê pirtûka wî îsal li ser asta Fînlandê xelata "Pirtûka Zarokan a Herî Baş" wergirt.
Ev pirtûk qala jiyana malbateke sivoreyan dike.
Zarok bi rêya vê pirtûkê rastiyên jiyanê nas dikin.
Ew bi vê çîrokê hînî hezkirin, tirs, hewldan û teslîmnebûnê dibin.