Çûn û hatin li Deriyê Sînorî yê Îbrahîm Xelîl hatibû rawestandin.
Serokê Odeya Bazirganî û Pîşesaziyê ya Şirnexê ji Rûdawê re got, “Pirsgirêk hatiye çareserkirin.”
Serokê Odeya Bazirganî û Pîşesaziyê ya Şirnexê Osman Gelîş ji Tora Medyayî ya Rûdawê li ser pirsgirêka çûn û hatinê ya li aliyê Tirkiye û Bakurê Kurdistanê axivî.
Serokê Odeya Bazirganî û Pîşesaziyê ya Şirnexê Osman Gelîş got:
“Li aliyê Tirkiyeyê li Deriyê Xabûrê di sîstema beşa pasaportan de pirsgirêkeke teknîkî derket ku bû sedem çûn û hatina bazirganî û geştyariyê were rawestandin.
Lê berî demekê pirsgirêk hat çareserkirin.”
Serokê Odeya Bazirganî û Pîşesaziyê ya Şirnexê Osman Gelîş her wiha anî ziman:
“Çûn û hatina barhilgiran asayî bûye û ya otomobîlan jî dê asayî bibe.”
Li gorî rapora salane ya Saziya Statîstîkê ya Tirkiyeyê (TUÎK), mezinahiya dan û standinên bazirganî yên di navbera Tirkiye û Îraq û Herêma Kurdistanê de sala 2023an 20 milyar dolar û sala 2024an jî nêzîkî heman mezinahiyê bûye.