Bi hilkefta 78emîn salvegera avakirina Hizba Demokrat a Kurdistana Îranê, “Tevgera Demokrat a Gelê Kurdistanê” peyameke pîrozbahiyê bo Hizba Demokrat şand û yada vê rojê bi bilind nirxand.
Deqa peyamê wiha ye:
Rêzdar Deftera Siyasî
Hizba Demokrat a Kurdistana Îranê
Bi hilkefta 78emîn salvegera avakirina Hizba Demokrat a têkoşer, pîrozbahiyeke gelek germ li we dikin û hêvîdar in di vê rewşa dijwar û aloza cîhan bigiştî û bi taybet deverê, li pêxema yekrêziya gelê me li Rojhilatê Kurdistanê û gihîştin bi maf û daxwaziyan, tekoşîna we berdewam be û hêviya serkevtinê bo we dixwazin.
Hizba Demokrat wek hizbeke resen a Kurdistanê, hertim li çepera pêşve ya berxwedana netewî û nîştimanî de rolek gelek girîng hebûye. Tevgera Demokrat a Gelê Kurdistanê, hertim hevpişt û hevahenga hêz û aliyên siyasî yên her 4 parçeyên Kurdistanê derheq pirsên netewî û nîştimanî bo bipêşxistina doza rewa ya gelê me ye.
Em li Tevgera Demokrat a Gelê Kurdistanê, hertim bi rêz ve mêzeyî cangorî û berxwedana we dikin û tekeziyê li ser pêwendîyên me yên kevnar dikin.
Bilind û pîroz be 78emîn salvegera avakirina Hizba Demokrat a Kurdistana Îranê
Mekteba Siyasî
Tevgera Demokrat a Gelê Kurdistanê
16ê Tebaxa 2023an