Partiya Demokrat a Kurdistana Îranê bo yekgirtina Partyia Azadî ya Kurdistanê û Tevgera Demokratîk a Kurdistanê peyama pîrozbahiyê şand.
Deqa peyamê wiha ye:
Birêz Birêveberiya Hevbeş a: Partiya Azadî a Kurdistanê û Tevgera Demokratîk a Kurdistanê
Silav û rêz
Bi keyfxweşî ve, daxuyaniya yekgirtina we di rêkxistinek nû de gihîşte me. Ev pêngava siyasî û dîrokî a we, peyamek girîng e ji bo yekîtî, biratî û hevxebatiya zêdetir a part û aliyên siyasî ên Bakûra Kurdistanê.
Em bi navê Nawenda Birêveberî a Partiya Demokrat a Kurdistana Îranê ve pîrozbahiyên herî germ ên xwe pêşkesî we dikin û hêviya serkevtinên zêdetir di xebata ji bo bicîhatina armancên siyasî û netewî ên gelê me ê Kurd di Bakûra Kurdistanê de dixwazin.
Partiya Demokrat a Kurdistana Îranê di vê baweriyê de ye ku rizgariya nîştiman ji dest dîktatorî û kevneperestiyê, tenê bi yekîtî û tekoşîna xebatkarên gelê me û piştewaniya gelê me ê mafxwaz û berxweder misoger dibe.
Pîroz be yekgirtina we
Partiya Demokrat a Kurdistana Îranê
Nawenda Pêwendiyên Giştî
Mihemednezîf Qadirî
Çavkanî: Kurdistan Media