Navenda Hevkarî ya Partiyên Kurdistana Îranê daxwaz ji hemû xelkê Kurdistanê kir ku di çileya koça dawî ya Jîna Emînî de bi cilûbergên Kurdî werin ser gora şehîdan û di nîvroya heman rojê de li qadana û şeqamên bajar de li dijî rejîmê serhildanê bikin.
Deqa daxuyaniyê wiha ye:
Xelkê xebatkar ên Îran û Kurdistanê!
Ciwan, keç û xortên mandûnenas!
Dê bi wan zûyane çileya kuştina Jîna Emînî bigihe. Kuştina wê ya hovane tevgera mezin ya Jîna afirand, ku sînorên Kurdistanê derbas kir û tevahiya Îranê li xwe girt û rewatî û dadwerîxwaziya tevgera Kurdistanê bo hemûyan îspat kir.
Di vê heyamê de serkirdeyên rejîmê bi tundtirîn awayê xelkê xwenîşander tepeser kirine û ji kuştina hevwelatiyan xwe ji ti tawanekê neparastine û navê zarokkuj bi dirustî bo wê rejîmê hatiye danîn.
Her lewma roja Çarşemî 4ê Xezelwera 1401an a Rojî, li hemû bajaran hemû jin û mêr bi cil û bergên Kurdî li ser gora şehîdan kom bin û li ber cangoriya şehîdan emê serê xwe bitewînin. Piştre piştî nîvroya heman rojê, emê bi amadebûn li qadan û kolanên bajar û dana siloganên li dijî rejîmê, emê daxwaza azadkirina bilez a hemû bendkiriyan û girtiyên siyasî bikin.
Emê çileya Jina Emînî û Jinayan bikin sembola yekîtî û zindîkirina yad û bîra şehîdan û piştgiriya azadiya girtiyên siyasî.
Navenda Hevkarî ya Partiyên Kurdistana Îranê
2ê Xezelwera 1401an a Rojî