Polîtburoyên Partiya Demokrat a Kurdistanê (PDK) û Yekîtiya Niştimanî ya Kurdistanê (YNK) li ser proseya danûstandina ligel hêz û aliyên siyasî yên Iraqê daxuyaniyeke hevbeş belav kirin.
Di daxuyaniya hevbeş a PDK û YNKê de hat gotin: “îro piştî nîvro, şanda hevbeş a Partiya Demokrat a Kurdistanê (PDK) û Yekîtiya Niştimanî ya Kurdistanê (YNK) li baregeha polîtburoya PDKê civiyan.”
Di daxuyaniyê de hat diyarkirin, di civînê de piştî gotûbêj û danûstandinên fikr û ramanan, herdu aliyan rêkeftin kirin ku PDK û YNK bi hev re bi şandeke hevbeş a Kurdistanî proseya danûstandinê ligel hêz û aliyên siyasî yên Iraqê ji bo pêkanîna kabîneya nû ya Hikûmeta Federal dest pê bikin.
Herwiha herdu aliyan eşkere kirin ku ji bo vê mebestê reşnivîsa karê hevbeş hatiye amadekirin.