Îro (30.12.2023) 3yemîn salvegera wefata kedkarê doza azadîya Kurdistanê, welatperwerê Kurd Îzzet Oguz Kandemîr e.
Heyeteke Partîya Welatparêzên Kurdistanê (PWK) îro l li Sêweregê seredana ser mezelê Îzzet Oguz Kandemîr kir.
Cîhgirê Serokê Giştî yê PWKyê Mehmet Can Azbay, rêvebirên PWKyê Nûrûllah Tîmûr û Adnan Ozbîngol û helbestvan û hunermendê Sêweregî Fahrî Ergun li ser mezelê Îzzet Oguz Kandemîr di derbarê jîyan û têkoşîna wî de axaftin. Heyeta PWKyê li gel malbata Îzzet Oguz Kandemîr fatîha xwendin.
Herweha heyeta PWKyê seredana mezelên kedkarên doza azadîya Kurdistanê, welatperwerên Kurd Faîk Bûcak, Remzî Bûcak, Necmeddîn Buyukkaya, Ferîd Ûzûn, Ekrem Karahan, Mahmût Çikman, Îhsan Çikman, Mehmet Hamîdanoglû, Abdûlkerîm Hamîdanoglû kirin.
Heyeta PWKyê Alaya Kurdistanê danîn ser mezelên welatperwerên Kurd.
30.12.2023
Buroya Ragehandinê ya Partîya Welatparêzên Kurdistanê (PWK)