Buroya Ragehandinê ya Partiya Welatparêzên Kurdistanê (PWK) di salvegera 46emîn a Qetlîama Mereşê de daxuyaniyek da û qetlîam şermezar kir.
Di daxuyaniyê de PWKê got: "Em di salvegera 46emîn de qetlîama Mereşê û yên ku ev qetlîam pêk anîn rûreş dikin, bi rêzdarî xwişk û birayên xwe yên Kurd û Elewî yên ku hatin qetilkirin bi bîr tînin."
PWKê bal kişand ser girîngiya bîranîna vê qetlîamê û got:
Em Qetlîama Meraşê Rûreş Dikin
46 Sal berê,di sala 1978an, di navbera rojên 19 û 25ê çileya pêşîn de, li bajarê Meraş a Bakurê Kurdistanê qetlîamek li dijî xuşk û birayên me yên Kurdên Elewî hate li dar xistin.
Ev qetlîama ji alîyê hêzên veşartî û yên aşkere yên nîjadperest û faşîst yên Dewleta Tirkîyê ve hatibû organîze kirin û li dar xistin.
Di vê qetlîamê de 111 Kurdên Elewî hatin qetil kirin 1500 Elewî jî birîndar bûn.
Di 46emîn salvegera Qetlîama Meraşê de, em vê qetlîamê û qesasên wê rûreş dikin.
Em hemû qurbanîyên vê qetlîamê bi giramî bibîr tînin.
19.12.2024
Buroya Ragehandinê ya Partîya Welatparêzên Kurdistanê (PWK)
……………………………………………………….