Roja 10.09.2022an li Kopenhagin a paytexta Danîmarakayê, Lijneya Rêxistina Partîya Demokrat a Kurdistanê PDK bi boneya 76 salîya damezirîna PDKê ahengekî girseyî lidarxist.
Di wî ahenga pîrozkirina 76 salîya damezirîna PDKê de, li gel Partîya Azadîya Kurdistanê-PAKê, ji çar alîyên Kurdistanê partîyên Kurdistanî bi mesaj/birûskeyên xwe yên pîrozabahîyê beşdar bibûn.
Eva jî brûske/mesaja pîrozbahîya Rêxistina Partîya Azadîya Kurdistanê-PAKê ye
Birêz Lijneya Partîya Demokrat a Kurdistanê li Danîmarka,
Birêzan, endam û kadir û kedkarên Partîya Demokrata Kurdistanê.
Em wek Rêxistina Partîya Azadîya Kurdistanê-PAK li Danîmarka, 76 saliya Partiya Demokrat a Kurdistanê bi hest û şiûra neteweyî , dostanî û biratî û wek hevkarên we ji dil û can, we pîroz dikin.
Em silavên germ digihînin giyanê hemû şehîd û kedkarên PDK ya, ku hêvî û ûmîda miletê Kurd û gelê Kurdistanê li ser milên xwe berz kirine.
Hevkaran, dîroka Partiya Demokrat a Kurdistanê, dîrokeke ku 76 sale bi têkoşîn û berxwedana gelê me ve hatîye hûnandin. Xebata PDKyê berdewamîya têkoşîna azadîya Kurdistanê ya 200 salî ye. Ew agirê ku bi şoreşa li Başûrê Kurdistanê pêketî, tîna xwe daye seranserê Kurdistanê jî.
Hevrêyan, em wek Rêxistina Partîya Azadîya Kurdistanê-PAK li Danîmarka, dubare 76 salîya partîya we PDKê li we û li hemî Kurdistanîyan pîroz dikin. Di kar û xebatên we de, ji bo we serkeftinê dixwazin. Tim serkeftî bin!
76 saliya Partiya Demokrat a Kurdistanê li miletê Kurd û li gelê Kurdistanê pîroz be!
Bijî Kurdistan!
Partîya Azadîya Kurdistanê-PAK
Rêxistina Danimarka
Silavên germ.
10.09.2022
Rûpela Nû/Danîmarka