Parlamentoya Kurdistanê li ser êrîşa moşekî ya li ser Hewlêrê daxuyaniyek weşand û êrîş bi tundî şermezar ki.
Parlamentoya Kurdistanê ragihand, “Vîna gelê Kurdistanê ji bo pêşketin, pêkvejiyan û aramiya Herêma Kurdistanê gelekî ji wê bihêztir e ku bi vê kiryara terorîstî ya tirsonek biheje.”
Parlamentoya Kurdistanê da xuyakirin, ” Parlamentoya Kurdistanê gelekî bi tundî êrîşa moşekî ya tirsonek şermezar dike ku şeva borî bê ti bihaneyekê li ser Hewlêr a Paytexta Herêma Kurdistanê hatiye kirin. Spas ji Xwedêyê mezin re ku ti ziyaneke canî jê derneketiye.”
Di daxuyaniyê de hat diyarkirin: “Em di demekê de ku nîgeranî û hevsoziya xwe bo welatiyên xweşewîst ên bajarê Hewlêrê nîşan didin, di heman demê de daxwaz ji Hikûmeta Iraqê û civaka navdewletî dikin, karê cidî li ser vê destdirêjî û êrîşê bikin û hewlên xwe yên cidî bidin ji bo êdî rê neyê dayîn ku destdirîjî li ser serweriya welat û ewlehî û aramiya welatiyan bê kirin.”
Parlamentoya Kurdistanê da zanîn: “Vîna gelê Kurdistanê ji bo pêşketin, pêkvejiyan û aramiya Herêma Kurdistanê gelekî ji wê bihêztir e ku bi vê kiryara teroristî ya tirsonek biheje.”
Îro 13ê Adarê bi şev li demjimêr 01:00 12 moşek bi ser Hewlêrê de hatin avêtin ku li dorûbera Balyozxaneya Amerîka ya Hewlêrê û avahiya Kurdistan24ê ketin. Di encama êrîşê de ziyanên madî çêbûn.
Li gorî daxuyaniyên fermî yên saziyên Herêma Kurdistanê, moşek ji derveyî xaka Iraq û Kurdistanê hatine avêtin û çavkaniyên Amerîkî jî diyar dikin ku ew moşek ji aliyê Îranê ve hatine avêtin.
Herwiha li ser hesabên medya civakî yên alîgirên Îranê û Supaya Pasdaran ew êrîş wekî tolhildana êrîşa Îsraîlê ya li Sûriyê ku du fermandarên îranî yên pilebilind hatibûn kuştin tê nîşandan.