Parlamenterê Kurd yê bajarê Sine yê Rojhilatê Kurdistanê Mehdî Ferşadan di Encûmena Şûraya Îslamî ya Îranê de, daxuyaniyên Rêberê Olî yê Îranê Elî Xamaney yên dijî protestoyên Kurdan rexne kir.
Ferşadan ku nûnerê Sine, Dîwandere û Kamyaran e daxwaza azadkirina ciwanên ku ji ber protestoyên piştî kuştina Jîna Emînî hatine girtin kir û li ser rexne û tawanbariyên Xamaney wiha got: “Kurd ne provokator in. Em prokovokatoriyê şermezar dikin, herwiha piştguhxistina daxwazên Kurdan jî bi tundî şermezar dikin.”
Li gorî nûçeya Ajansa Xwendekarên Îranê (ISNA) ya nîvfermî, nûnerê Kurd gotinê Xanimey rexne kir û ragihand: “Şaristaniya pêşverû ya Kurd ti caran aliyê provokasyonan cî negirtiye. A rast di dîroka xwe de ti carî nebûne provokator û wê nebin jî.”
Herwiha Ferşadan got ku deshilata Îranê ji ber geşepêdana aborî û binesaziyê deyndarê Kurdistanê ye û destnîşan kir, “Min ji vir gelek caran gotiye ku divê piştevaniya Kurdistanê bê kirin. Bêkariya herî zêde li Eyaleta Kurdistan (Sine) ye û binesaziya wê jî nebaş e.”