PAK(Partîya Azadîya Kurdistanê):
Em sersaxîyê ji malbatên qurbanîyên qezaya trafîkê ya Agirîyê ra dixwazin
Li navenda navçeya Tutaxê ya parêzgeha Agirîyê ya Bakurê Kurdistanê, roja 07.11.2022yê, du qamyon û otobûseke rêwîyan li hev qelibîn , piştî qezayê , agir bi otobûsê ket û di encama vê qezaya trafîkê da, 7 kesan canê xwe ji dest dan û 2 jê giran 18 kes jî birîndar bûn.
Ruhê qurbanîyên vê bûyera trafîkê şad, cîhê wan biheşt be. Em, sersaxîyê ji malbatên wan ra, şîfaya xêrê ji birîndaran ra dixwazin.
Buroya Çapemenî û Ragehandinê ya PAKê