Roja şemîyê, 05.11.2022yê, li Nûneratîya PAKê ya Stenbolê civîneke sohbetê hate li dar xistin.
Cîhgirên Serokê Giştî yê PAKê Kasim Ergun û Mehmet Gul di derbarê Konferansa Navxweyî ya PAKê ya ku di rojên 15 û 16ê cotmeha 2022yê li Amedê li dar ketibû da agahdarî dan û li ser rewşa her çar perçeyên Kurdistanê û Tirkîyeyê bîr û rayên PAKê anîn ziman.
Kasim Ergun bi zaravayê kurmancî, Mehmet Gul jî bi zaravayê Kirmanckî/Zazakî û bi Tirkî axaftina xwe pêşkêş kirin.
Rewşenbîr û sîyasetmedarên Kurd Huseyîn Taysûn û Mahmût Bîlen jî bîr û rayên xwe pêşkêş kirin.
Civîn bi pirsên beşdaran û bersîvên Kasim Ergun û Mehmet Gul bi dawî hat.
Civîn bi awayekî berhemdar derbas bû.
Nûnerê Kurdistan TVyê yê Stenbolê Mehmet Sanri û kedkarên Kurdistan TVyê jî civîn şopandin.
05.11.2022
Buroya Çapemenî û Ragehandinê ya PAKê