PAKê 1ê Sibata 2023yê roja çarşemê, li Meydana Şêx Seîd, li gerekên Balikçilarbaşi, Derê Çîyayî, Melîk Ahmed yên Amedê ji bo dersên bijarte broşur belav kir.
Ji bo serîlêdana dersa bijarte ya kurdî 10ê Sibatê roja dawîyêye.
PAKê ji malbatan daxwaz kir ku bi formên dersên bijarte serî li dibistanan bidin û ji bo zarokên xwe, wek mafekî rewa û yasayî, dersa kurdî(Kurmancî, Kirmanckî/Zazakî) hilbijêrin.
Di destpêka broşur belav kirinê da, Polîsên Amedê li Meydana Şêx Seîd nîvsaetê rêvbir û endamên PAKê sekinandin, paşê rêdanê ku PAK broşuran belav bikin. Lê di temama çalakîyê da polîs her li gel PAKîyan digeriyan.
Rêvebir û endamên PAKê , dîsa bi êlegên xwe yên ku amblema PAKê û nivîsa ‘’Zimanê me hebûna me ye’’ hatibû nivîsandin broşur belav kirin.
Di dema belav kirina broşuran da, gelê me yê Amedê bi eleqeyeke germ pêşewazîya broşurên PAKê kirin, piştgirîya xwe ji bodersa bijarte anîn ziman.
PAK roja 02.02.2023yê dê gereka Dîcle Kent a Amêdê broşurên dersa bijarte belav bike.
01.02.2023
Buroya Çapemenî û Ragehandinê ya PAKê