Ma şehîdanê şewatê Sînemaya Amûdê vîrî ra nêkenê
Roja 13.11.1960 de semedê hetkarîya Şorişê Cezayirî, Rojavayê Kurdistanî de bi qerarê Rejîmê Baasî şaristanê Amûdê de, heme wendekarê dibistanê seretayî rê bi mecbûrî sinema de fîlmê ”Cerîmet Nisif el Leyl” (Cerîmeya Nîvê Şevê) dîyeno temaşe kerdene.
Salona ke semedê 200 kesan a de qasê 500 domanê Kurdan erzîyenê zereyê ci. Gama ke heme domanî kewenê zereyê sînema, eskerê Sûrîye berê ci qefinenê û zere de adir vejyeno.
Wexto ke domanî vînenê ke şewat vejyayo pêro-pîya verê xo danê berê tebervejyayîşî ser. La çi heyf ke ber teber ra ameyo qefilnayene û vengê domanan û qijekan bax û fîganê înan berz beno hetanî asmênî.
No felaketo ke bi namê ”Adirê Sînemaya Amûdê” yeno zanayîş de, 283 domanê Kurdan vêşenê. Na hedîse de rolê qehremanê kurd Mihemedê Seîd Axayê Deqorî zaf muhîm o. Ey ê şewatî ra xeylê domanî xelisnayê.
Ma serrgêra hedîseya Amûdê ya 62ine ke zerrîya her kurdêk de birîneka xorîne verdaya de, ê şehîdanê qijkenan reyna yad kenê.”
13.11.2022
Buroya Çapemenî û Têkilîye ya PAKî