Otomobîla fermandarekî Hêzên Sûriyeya Demokratîk (HSD) ji aliyê balafireke bêfirokvan a Tirkiyê hat armanckirin û di encamê de, 2 kes birîndar bûn.
Li gor Navenda Ragihandinê ya HSDê belav kir, balafireke bêfirokvan a Tirkiyê, do otomobîla endamê Fermandariya Giştî ya Encûmena Leşkerî ya Siryanî Orom Marokî li bajarê Til Temirê kir armanc.
HSDê eşkere kir, endamê Fermandariya Giştî ya Encûmena Leşkerî ya Siryanî Orom Marokî û kesekî din ku wergêr e birîndar bûn.
Herwiha Navenda Ragihandinê ya HSDê da zanîn, Orom Marokî bi hêzeke Rûsî re bû û ber bi wîstgeha elektirîkê ya Til Temirê ve diçû.