Hevpeymaniya Niştimanî ya Opozîsyona Sûriyê (Îtîlaf) biryara dûrxistina 14 endamên xwe û guhertina 4 nûnerên encûmenên xwecihî yên parêzgehan da.
Di daxuyaniya ku hatiye ragihandin de tê gotin, li ser bingeha pêwîstiyên proseya çaksaziyê û daxwazên berjewendiya giştî, biryar hat girtin erkê 14 endamên Îtîlatê bi dawî bibe.
Îtîlafê daye xuyakirin, biryar hatiye dayîn nûnerên encûmenên xwecihî yên parêzgehên Idlib, Heleb, Reqa û Dêrazorê jî werin guhertin.
Hat zanîn ku ev biryar piştî di meha borî de, Îtîlafê komîteyeke lêkolînê ya ji 8 endaman pêk tê ava kiribû hatiye dayîn.
Serokê Hevpeymaniya Niştimanî ya Opozîsyona Sûriyê (Îtîlaf) Salem El-Meslat got ku ev biryar, guhertina Peyrewa Navxweyî û guhertinên yasayî li xwe digire.
Hevpeymaniya Niştimanî ya Opozîsyona Sûriyê sala 2012an ji aliyê hejmarek pêkhateyên opozîsyona Sûriyê ve hatiye damezirandin û Encûmena Niştimanî ya Kurdî li Sûriyê (ENKS) jî tê de cih digire.