Mezopotamya yanî ew cihê di navbera Ferad û Dîcleyê de ji destpêka şaristaniya mirovan ve wek “axa bibereket” tê zanîn lê niho ji ber hişkesaliyê ti bereketa wê nemaye.
Li gor nûçeya Alissa J. Rubinê ya li New York Timesê hatî weşandin gundên li ber ava Feradê yên Iraqê ji ber kêmavîyê têne terikandin.
Şeyh Adnan al Sahlani yek ji dersdarên fenê ye û li Nasirîyeyê kar dike wî gotiye:
“Belkî hûn bawer nekin lê demekê ev der avî bûn… Niho li ti deran av nîne.”
Rubinê diyar kiriye ku di tarîxa mirovatîyê de behsa “Rezên Babîlê” û “Bexçeyên Cinetê” tê kirin ku li Incîlê behsa wê tê kirin. Ew herdu der jî li ber ava Feradê bûn.