Neteweyên Yekbûyî bi daxuyaniyekê ragihand ku heta niha ji ber êrişên Rûsya bo ser Ukraynayê 422 hezar kes koçber bûne û 100 hezar kes ji cih û warên xwe derketine.
Rêxistina Penaberan a Neteweyên Yekbûyî (UNCHR) eşkere kir ku heta niha 422 hezar kes ji Ukraynayê çûne welatên cîran.
Berdevka UNCHRê Laura Padoan li ser Twitterê daxwiyaniyek belav kir û tê de ragihand ku ew wek UNCHRê welatiyên ji Ukrayna direvin wek penaber dibînin.
Padoan da zanîn ku heta niha li Ukraynayê ji ber êrişên Rûsyayê û şer bi 100 hezaran kes ji cih û warên xwe derketine.
Herwiha Neteweyên Yekbûyî dibêje, hinek raport gihiştine destê wan ku li Ukraynayê astengî ji xelkê re tên derxistin daku siwarî trênan nebin.