Beriya du rojan Tirkiye êrîşî çend navçeyan kiribû.
Nuneratiya Netewên Yekgirtî li Îraqê li ser twitterê peyamek derbarê êrîşên esmanî yên Tirkiyeyê yên bo ser Mexmûr, Şingal û çend navçeyên Rojavayê Kurdistanê belav kiriye.
Di peyamê de nuneratiya NY diyar kiriye ku êrîşên han dibin sedema aloztir kirina rewşa ewlekarî ya deverê û gihandina ziraran bi xelkê medenî.
NY herwiha eşkere kiriye ku ev êrîşên han binpê kirina serweriya axa Îraqê ye û lazime Tirkiye rêzê ji serweriya cîranên xwe bigire û bi rêya diyalogê kêşeyên heyî çareser bike.
Weke tê zanîn du şev beriya niha Tirkiye li dijî PKK û YPGê operasiyoneke berfire ya esmanî lidar xistibû û çend cîh û herêmên curbicur bordiman kiribû.