Nûnerê Taybet yê Amerîka ji bo Rojavayê Kurdistanê û Bakurê Rojhilatê Sûriyê Nicholas Grainger ragihand ku welatê wî dê piştgiriya projeyên aborî yên Rojavayê Kurdistanê bike.
Nûnerê Taybet yê Amerîka ji bo Rojavayê Kurdistanê û Bakurê Rojhilatê Sûriyê Nicholas Grainger serdana Navenda Encumena Cîbicîkar a Rêveberiya Xweser kir û ji aliyê Hevseroka Encumenê Bêrîvan Xalid ve hat pêşwazîkirin.
Di hevdîtinê de herdu aliyan behsa êrîşên û gefên Tirkiyê û bombebarankirina navendên xizmetguzarî kirin.
Nicholas Grainger tekezî li ser piştgiriya Amerîka ji bo projeyên aborî û aramiya li navçeyên Rêveberiya Xweser kir.
Herwiha Grainger serdana çend deverên di bin kontrola Rêveriya Xweser de jî kir û ji Amûdê çû Reqayê û bi Encûmena Sivîl ya wî bajarî re jî civiya û piştre jî bi serok hozên Reqayê re hevdîtin pêk anî.
Di derbarê seredana Grainger a ji bo bajarê Reqayê de, Cîgirê Hevserokatiya Encûmena Reqayê ya Sivîl Ebdulselam Hemsork ji medya nêzîkî HSDê re axivî.
Ebdulselam Hemsork got: “Ev yekem seredana şanda Amerîkî ya fermî û eşkere ye ji bo Encûmena Sivîl a Reqayê, piştî vekişîna hêzên Amerîkî li sala 2019. Rewşa ewlekarî, siyasî û jêrxaneya wêrankirî ya Reqayê û û ji nû ve avakirina bajêr hat gotûbêjkirin.”
Hemsork da zanîn ku wan derbarê ewlekariya bajêr û xizmetguzarî de hejmareke proje radestî şanda Amerîkî kirine û bi gotina wî şanda Amerîkî soz da ku di hemû waran de piştevaniya navçeyê bike.