Sekreterê Giştî yê Netewên Yekgirtî Antonio Guterres raporteke 19 rûpelî li ser rewşa Sûriyê pêşkêşî Encûmena Asayişa Navdewletî kir.
Li gor raporteke Netewên yekgirtî, ji sedî 90ê Sûriyan di "hejariyê" de dijîn, ji sedî 60 ji wan jî di "bêewlehiya xwarinê” de dijîn û 5.6 milyon kes jî pêwîstiya wan alîkariyên mirovî hene
Sekreterê Giştî yê Netewên Yekgirtî Antonio Guterres raporteke 19 rûpelî li ser rewşa Sûriyê pêşkêşî Encûmena Asayişa Navdewletî kir, ji bo piştgirîkirina dirêjkirina heyama şandina alîkariyên mirovî bo Sûriyê ji bo 6 mehên din ku tê de hat:
Li Sûriyê:
90% ji welatiyên Sûriyê hejar in
60% di kirzîa kêmbûna xwarinê de ne
7.78 milyon kes bê nojdar û navendên bizîşkî ne
9 milyon kes derveyî desthilata hikûmetê ne
5.6 milyon kes pêwîstiya wan bi alîkariyan hene
Li Rojavayê Kurdistanê:
2.7 milyon kes lê dijîn
2.2 milyon kes pêwîstiyan bi alîkariyan hene
140 hezar kes li kampan dimînin
650 hezar kes tenê alîkariyan werdigrin
Bakurê rojavayê Sûriyê
4.2 milyon kes lê dimînin
2.8 kes koçber in
3.4 milyon kes pêwîstiya wan bi alîkariyan hene
Herwiha Guterres got: “Berxwedana gelê Sûriyê piştî deh salên şer, krîza giran a civakî û aborî, qeyranên girêdayî kêmbûna avê, COVID-19 û hatina Zivistanê, kêm bûye. Niha ji sedî 90ê ji welatiyên Sûriyê di hejariyê de dijîn û beşeke mezin ji jêrxaneya bajaran wêran bûye.
Destnîşan kir jî, “Di sala 2020an de, dahata mehane ya navînî ya her kesekî, nema dikare pêwîstiyên bingehîn bicîh bîne û ji sedî 60 ê Sûriyan bê ewlekariya xwarinê ne.
Guterres di dawiya raporta xwe de got: “Piştî deh salên krîzê, şandina alîkariyên mirovî berdewam e ji bo piştgirîkirina bi mîlyonan kesan. Tevî kêşeyan jî, divê her derfetek ji bo peydakirina alîkariyan were bikaranîn. Lê tiştê herî zêde gelê Sûriyê pêwîstiya wan pê heye, ew e ku li gorî biryara 2254 çareseriyeke mayînde ji aloziyê re were dîtin.”