Serokê Herêma Kurdistanê û Serokê Encûmena Bilind a Dadwerî ya Iraqê civiyan. Serokayetiya Herêma Kurdistanê ragihand, li ser giringiya cîbicîkirina bernameya kabîneya nû ya Hikûmeta Iraqê ku hemû alî û pêkhate li ser lihev kirine, her du alî hemfikr bûne.
Serokê Herêma Kurdistanê Nêçîrvan Barzanî îro Çarşemê li bajarê Hewlêrê, pêşwaziya Serokê Encûmena Bilinda Dadwerî ya Iraqê Fayiq Zêdan kir.
Li gorî daxuyaniya Serokayetiya Herêma Kurdistanê, di civînê de rola dadwerî û dadgehan li ser aramiya Iraqê û Herêma Kurdistanê ku bandorê li ser warên jiyanê dike, hatiye gotûbêjkirin. Her wiha di civînê de, “Li ser giringiya cîbicîkirina bernameya kabîneya nû ya Hikûmeta Iraqê ku hemû alî û pêkhate li ser lihev kirine, her du alî hemfikr bûne.”
Nêçîrvan Barzanî bi Serokê Encûmena Bilind a Dadwerî ya Iraqê Fayeq Zêdan re civiya
Nêçîrvan Barzanî spasî rol û erkê Fayeq Zêdanî kir ku di karkirina hevbeş de û hewlên wan ji bo dabînkirina dadwerî ji bo hemû welatî û pêkhateyên Iraqê cihê asayîşê be.
Di daxuyaniyê de hat gotin ku Serokê Encûmena Bilind a Dadweriya Iraqê spasiya rol û pêgeha Nêçîrvan Barzanî ya di pêkvejiyanê de û kûrkirina ruhê yekrêziya Iraqê kir.
Rûdaw