Serokê Herêma Kurdistanê sersaxî ji malbatên 4 çiyagerên ku îro di lehiya Qeredaxê de xeniqîn re xwest.
Li gundekî navçeya Qeredaxê ya parêzgeha Silêmaniyê 4 endamên komeke çiyageriyê ber avê ketin û xeniqîn.
Serokê Herêma Kurdistanê Nêçîrvan Barzanî peyameke sersaxiyê ji bo malbat û hevalên wan çiyageran belav kir.
Nêçîrvan Barzanî di peyama xwe de anî ziman:
“Ez sersaxiyê ji malbat û kesûkarên 4 çiyagerên ku îro di qezayeke trajîk de li navçeya Qeredaxê ya parêzgeha Silêmaniyê canê xwe ji dest dabû re dixwazim.”
Nêçîrvan Barzanî ragihand ku di van şert û mercên dijwar ên hewayê de divê her kes hişyar be.
Barzanî diyar kir ku ji bo pêşîlêgirtina li bûyerên wiha tirsnak û trajîk û parastina ewlehiya giştî divê her kes hişyariyên aliyên pêwendîdar bişopîne.
4 endamên komeke çiyageriyê îro li gundekî navçeya Qeredaxê ya Silêmaniyê ber ava lehiyê ketin û xeniqîn.
Navên 4 çiyagerên ku xeniqîne, Dastan Mihemed (28), Birwa Ebdullah (25), Hacî Rehîm Merûf (53) û Rêkan Bêstûn (28).
Li gorî daxuyaniya Rêveberiya Parastina Sivîlan a Silêmaniyê grûp ji 12 kesan pêk dihat û ji Silêmaniyê çûbûne gundên Belxey Xwar û Sarê yên Qeredaxê.
Ew piştre çûne gundê Awespiyê û li wir 4 ji wan ber avê ketine û cenazeyên wan piştî saetan hatine dîtin.