Meclîsa Sûriya Demokratîk (MSD) ku baskê siyasî yê Hêzên Sûriya Demokratîk (HSD) ye, bi nûnerên ereb û rûspiyên herêmê re li ser dahatûya Sûriyê civîneke li dar xist.
Di civîna ku li bajarê Reqa yê jêr kontrola HSDê hate lidarxistin de, derbarê pêşdeçûnên siyasî, guhertinên li qada Sûriyeyê û gihandina nêrîneke hevbeş ji bo dayîna birayrekê ji bo siberoja Sûriyeyê re gotûbêj hatin kirin.
Siyasetmedar, rewşenbîr û kesên girîngiyê didin rewşa giştî, kesayetên navdar, şêx û rûspiyên eşîran beşdarî civînê bûn.
Di civînê de, li ser helwesta Rêveberiya Xweseriya Demokratîk û HSDê li hember rêveberiya nû ya Sûriyê hate gotin, helwesta wan ji destpêka aloziya Sûriyeyê ve eşkere ye, ew jî pêwîste hemû alî bi rêya diyalogê xwe bigihin çareseriyên aştiyane.
Herwiha hate diyarkirin, helwesta MSDê û hêzên wê yên leşkerî ji bo misogeriya mafên hemû pêkhateyan sabit û zelal e û hemû çareseriyên leşkerî hatin redkirin.