Fermandarê Giştî yê Hêzên Sûriyeya Demokratîk (HSD) Mezlûm Ebdî, Cejna Remezanê ya xelkê Rojavayê Kurdistanê misilmanê cîhanê pîroz kir û got, “Em bi hêvî ne ev cejn ji bo welatê me bibe wesîleya ewlehî û aramiyê.”
Fermandarê Giştî yê HSDyê Mezlûm Ebdî bi boneya Cejna Remezanê peyama pîrozbahiyê da û got, "Cejna Remezanê li tevahî Sûriyeyiyan û cîhana îslamî pîroz be."
Mezlûm Ebdî li ser rûpela xwe ya Xê der barê Cejna Remezanê de ev peyam da:
“Ez Cejna Remezanê li tevahî Sûriyeyiyan û cîhana îslamî pîroz dikim.
Bi vê boneya pîroz, em diyar dikin ku bijardeya me ya daîm aştî ye û em pabend in ku bi rêbazên aştiyane îstîqrarê pêk bînin.
Em bi hêvî ne ev cejn ji bo welatê me bibe wesîleya ewlehî û aramiyê."
Li gorî desthilata Şamê û Rêveberiya Xweseriya Rojavayê Kurdistanê sibe duşemê roja yekemîn a Cejna Remezanê ye.
RÛDAW