Fermandarê Giştî yê HSDê Mezlûm Ebdî radigihîne, di êrîşa Tirkiyê li ser Kobanê de 5 kes bûn qurbanî û bang li Netewên Yekgirtî kir, sînorekê ji êrîşên Tirkiyê re deyne.
Pêr 25/12/202ê, Firokeyeke bêfirokvan a Tirkiyê maleke bajarê Kobanê bombebaran kiribû û hêzên asayişê di wê rojê de diyar kiribû ku di encama êrîşê de 2 kesên sivîl hatibûn kuştin û 7 kesên din jî birîndar bûbûn. Lê di pişt re 3 kesên birîndar jî, canê xwe ji dest dane.
Di wê derbarê de, Fermandarê Giştî yê Hêzên Sûriyeya Demokratîk (HSD) îro li Twittera xwe ragihand, “êrîşa Tirkiyê civîneke 9 Ciwanên Şoreşger li bajarê Kobanê armanc kiriye û di encamê de 5 endamên wê tevgerê şehîd bûn.”
Ebdî got jî: “Ev êrîş, berdewamiya reftarên dagîrkeriya Tirkiyê li hember doza Kurdî li Sûriyê û armanckirina ewlehî û aramiya li bakur û rojhilatê Sûriyê ye.”
Ebdî di twîteke din de, bang li Netewên Yekgirtî kir ku vê siyaseta tirsandinê ya Tirkiyê li dijî sivîlan rawestîne, ji ber ku ziyanê digihînê aramiya deverê.