Serokwezîrê Herêma Kurdistanê Mesrûr Barzanî îro Çarşemê 7ê Kanûnê pêşwazî li şandeke Almanyayê kir.
Şanda Almanyayê ji Rêveberê Beşa Rojhilata Navîn û Bakurê Efrîqayê ya li Wezareta Derve ya Almanyayê Tobias Tunkel, Balyozê Almanya yê li Iraqê Martin Jaeger û Konsulê Giştî yê Almanya yê li Herêma Kurdistanê Klaus Streicher pêk hatibû.
Di civînê de derbarê rewşa giştî ya Iraq û navçeyê û pêşvebirina pêwendiyên Herêma Kurdistanê û Almanyayê de gotûbêj hat kirin.
Mijareke din a civînê, li ser girîngiya cîbicîkirina rêkeftina Şingalê û derketina milîs û hêzên çekdar ên neyasayî û sazkirina zemînekê ji bo asayîkirina rewşa wê navçeyê û vegera awareyan bo cih û warên xwe.
(K24)