Serokwezîrê Herêma Kurdistanê Mesrûr Barzanî bi sosyologê navdar û dostê gelê Kurd Prof.Dr. Îsmaîl Bêşîkçî re civiya.
Serokwezîr Mesrûr Barzanî, îro pêşwazî li nivîskar û sosyologê navdar û dostê gelê Kurd Prof.Dr. Îsmaîl Bêşîkçî kir.
Di hevdîtinê de qala xebat û zehmetiyên Bêşîkçî di berevanîkirin li gelê Kurdistanê û doza rewa ya gelê wan de kir û bilind nirxand.
Herwiha Serokê Hikûmeta Kurdistanê qala wê yekê kir ku Bêşîkçî bi nivîsandina gelek pirtûkan û lêkolînên zanistî û akademîk, berevanî li mafên gelê Kurd û gelên bindest kiriye.
Îsmaîl Bêşîkçî jî spasiya Serokê Hikûmeta Kurdistanê kir û qala girîngiya perwerde û mijarên niştimanî û çareserkirina pirsgirêka Kurd li Rojhilata Navîn bi rengekî aştiyane û dadmendane kir.
Ev çend roj in Prof.Dr. Îsmaîl Bêşîkçî li Herêma Kurdistanê ye.