Endamê Parlamentoya Iraqê behsa karên lijneya danûstankar a Hikûmeta Herêma Kurdistanê yên li Bexdayê dike û dibêje: ‘’Qonaxeke baş pêşdeçûn heye û karên xwe berdewam dikin.’’
Endamê Parlamentoya Iraqê Merîwan Qerenî ji BasNewsê re ragehand: ‘’Heta naha gotûbêjên lijneya danûstankar a Herêma Kurdistanê Ii bexdayê berdewame û qonaxeke baş jî pêşde çûye û karîne bigehin wê yekê ku beşa Herêma Kurdistanê ya di budceya Iraqê de wekî sedî 14 bicîh bikin, lê hewldanên zêdetir jî didin.’’
Herwaha ragehand: ‘’Pêşbînî dikim ku budce, piştî bêhnvedana parlamentoyê dê budce bê bo parlamentoyê ango hîn li wezareta darayî ya Iraqê ye.
Merîwan Qerenî diyar kir: ‘’Rêkeftin wisa ye diyar kirina beşa budceya her navçeyekî li gor rêjeya rûniştvanên wê navçeyê be, ji bo wê jî Wezareta Plandanan a Herêma Kurdistanê raporta xwe pêşkeş dike û li ser wê raportê jî beşa Herêma Kurdistanê ya di budceyê de dê bicîh bibe, naha jî danûstan li ser vê mijarê berdewam dike.’’