Fermandarê Giştî yê HSDê Mazlûm Ebdî (Kobanî) di derbarê gefên Tirkiyê yên destpêkirina êrîşeke nû ya li dijî Rojavayê Kurdistanê de, bi daxuyaniyekê bang li civaka navdewletî û aktorên di rewşa Sûriyê de kir û got: “Pêşî li trajediyên nû bigirin û piştgiriyê bidin kêmkirina aloziyan.”
Fermandarê Giştî yê Hêzên Sûriyeya Demokratîk Mazlûm Ebdî daxuyaniyek li ser Twitterê belav kir û dilgiraniya xwe li hember egera operasyoneke nû ya Tirkiyê li dijî navçeyên Rêveberiya Xweser anî ziman.
Ebdî di daxuyaniyê de diyar kir: “Em ji tehdîdên nû yên Tirkiyê yên ku metirsiyeke mezin li ser Bakurê Sûriyê çêdike, nîgeran in.”
Herwiha Mazlûm Ebdî destnîşan kir: “Her êrîşek wê Sûriyan parçe bike, krîzeke mirovî ya nû çêbike û niştecihên eslî û awareyan koçber bike. Zêdebûna aloziya nû dê bandoreke neyînî li kampanya me ya li dijî DAIŞê jî bike.”
Fermandarê Giştî yê HSDê bang li civaka navdewletî kir û eşkere kir: “Em bang li aktoran dikin ku pêşî li trajediyên nû bigirin û piştgiriyê bidin kêmkirina aloziyan.”