M. Xalid Sadînî wê li Amedê behsa pirtûka bi navê “Mîrnameya Hekarîyan” bike.
Li Weqfa Îsmaîl Beşîkçiyî ya Amedê wê derbarê pirtûka bi navê "Mîrnameya Hekarîyan" bernameyek pêk bê.
Bername wê 7ê Çiriya Pêşiyê, saet di 17.00ê de li avahiya Weqfê li dar bikeve.
Amadekarê pirtûkê M. Xalid Sadînî wê bi moderatoriya Nezîrê Ciboyî behsa pirtûkê bike. Paşê jî wê ji bo beşdaran, pirtûkê îmze bike.
Zimanê gotûbêjê bi kurdî ye.
Derbarê M. Xalid Sadîniyî de
Nivîskar, lêkolîner û weşanger e. Bi eslê xwe ji Colemêrgê ye. Wî li Fakulteya Vekirî ya Zanîngeha Anadoluyê beşa Sosyolojiyê xwendiyê û piştre jî li Zanîngeha Van Yuzuncu Yilê, di beşa Çand û Zimanê Kurdî de lîsansa bilind temam kiriye. Dîwana Feqiyê Teyran, Hemû Berhemên Mela Huseynê Bateyî, Mîrnameya Hekarîyan jî di nav de bi qasî 20 pirtûkên wî çap û belav bûne. Niha berpirsê weşanxaneyên Peywend û Loryayê ye û yek ji endamên lîjneya rêveberiyê ya Weqfa Îsmaîl Beşîkciyî ye.