SOHRê ragihand, piştî bidawîbûna lêgerîna li nav zîndan û girtîgehên rejîma Esed diyar bû ku 52 hezar û 222 kes bi şkenceyê hatine kuştin.
Li gorî zanyariyên Çavdêriya Mafên Mirovan a Sûriyeyê (SOHR) ji sedî 83yê qurbaniyan di navbera Gulana 2013an û Çiriya Pêşîna 2015an de ji aliyê kesên nêzîkî Îranê ve di bin şkenceyê mirine.
Çavdêriya Mafên Mirovan a Sûriyeyê (SOHR) da zanîn ku heta niha termên 52 hezar û 778 qurbaniyan ne diyar in.
Dibe ku girtîgehên veşartî hebin û di nav gorên komî de bin ku heta niha nehatine vekirin.
Çavdêriya Mafên Mirovan a Sûriyeyê (SOHR) her wiha destnîşan kir ku heta niha çarenivîsa nêzîkî 100 hezar windayan nehatiye zanîn lê tê texmînkirin ku hatibin kuştin.
Li Sûriyeyê bi sedan gorên komî li gelek deveran hene ku li hêviya vekirinê ne.