Li Sîteya Pîşesaziyê ya 3’yemîn a Amedê li kargehekê teqînek çêbû û 5 kes jê giran 10 kes birîndar bûne.
Li Sîteya Pîşesaziyê ya 3’yemîn a Amedê ya li ser rêya Rihayê li kargeha Doguş Torna teqînek dijwar rû da. Hat zanîn ku teqîn ji ber tûpê oksîjenê pêk hatiye. Ji ber dijwariya teqînê li kargehê û li derdora kargehê 5 kes jê giran 10 kes birîndar bûne.
Ekîbên Ambulans û AFAD'ê sewqî cihê bûyerê hatin kirin û birîndaran ji nav kavilên dikanê rakirin nexweşxaneyên li bajêr.
Ji ber teqînê kargeh û wesayîtên li dar derdorê jî xesarek mezin dîtin. Piştî teqînê li dikanê lêkolîn û derbarê bûyerê de lêpirsîn hat destpêkirin.
Walîtiya Amedê derbarê bûyerê ango teqînê de daxuyaniyek nivîskî belav kir û ragihand ku teqîn ji ber tûpê li kargehê pêk hatiye û 5 kes jê giran 10 kes birîndar bûne û rakirine nexweşxanayan.