Şer û pevçûn careke din di navbera çekdarên PKKê û hêzên artêşa Iraqê de li qezaya Şingalê derket.
Li gorî agahiyên BasNewsê, îro danê sibê şer û pevçûn careke din di navbera çekdarên PKK û artêşa Iraqê de li rêbenda Tobal a li nahiya Sinûnê ya ser bi Şingalê ve derket.
Ji şeva borî ve şer û pevçûn di navbera PKK û artêşa Iraqê de li navçeya Bab Şilo li rojavayê Şingalê derketiye û heta niha jî berdewam e. Di şer û aloziyan de çekên sivik û Doşka tên bikaranîn.
Jêderekî ewlekariyê ji Peyamnêrê K24ê re ragihand, ji encama pevçûnan, 2 leşkerê Iraqî û çekdarekî PKKê birîndar bûne.
Bab Şilo nêzîkî komelgeha Xanesorê ye û binkeyên çakdarên ser bi PKKê li wir heye.
Çend roj in alozî di navbera artêşa Iraq û hêzên ser bi PKKê ve li nahiya Sinûnê û qezaya Şingalê derketine û artêşa Iraqê jî hejmareke mezin ji tank, çek û pêwîstiyên leşkerî şandine wê deverê.