Hat ragihandin ku li ser sînorê navbera Tirkiye û Yûnanistanê termê 12 koçberên xwestine derbasî Ewropayê bibin hat dîtin.
Li gorî daxuyaniya walîtiya bajarê Edirne yê Tirkiyê, li devera Mandakoru ya Gundê Paşakoy a navçeya Îpsalayê, termên 9 koçberan hat dîtin ku ji ber sermayê can dane.
Piştre Wezîrê Navxwe yê Tirkiyê Suleyman Soylu jî ragihandiye ku hejmara termên hatine dîtin 12 kes in û Yûnanistan tawanbar kir ku bûye sedema mirina wan.
Li gorî zanyariyan, ew koçberên xwestine bi rêya Yûnanistanê herin Ewropayê, hatine vegerandin û ji ber serma zivistanê ku li derve mane qufilîne û can dane. Derbarê nasnameyên wan koçberan de ti agahî nehatine belavkirin bê ji kîjan welatan e.