Li parêzgeha Rihayê ya Bakurê Kurdistanê 300 endamên Sendîkaya Karkerên Tekstîlê ku ji kar hatine derxistin li ber kargeha tekstîlê dest bi çalakiya rûniştinê kirin.
Sendîkaya Karkerên Tekstîlê ya ser bi Konfederasyona Sendîkayên Karkerên Şoreşger (DISK)ê, 10ê meha derbasbûyî mafê sendîkabûnê wergirt, lê Rêveberiya Tekstîl a Ugur piştî 24 rojan ragihand ku ew wê biryarê qebûl nakin û 300 karker ji kar derxistin.
Nûnerê wê sendîkayê Mehmet Turkmen ragihand “Mafê sendîkabûnê nehatiye nasîn, sedema derxistina karkeran jî endambûna mafê sendîkabûnê ye.”
Çalakiya karkeran jî dê dorveger be û bi komên 20 kesî dê her roj seet 9ê sibehê heya 5ê êvarê be.