Li navçeya Ranyayê ya ser bi Silêmaniyê ve di encama êrişeke çekdarî de berpirsekî serbazî hat kuştin.
Çavkaniyeke ji Asayişa Ranyayê ji Rûdawê re ragihand ku teqe li berpirserkî serbazî hat kirin û canê xwe ji dest da. Li gor vîdeoya ku bi destê Rûdawê ketiye Fermandarekî hêzên Yekîtiya Niştimaniya Kurdistanê (YNK) Murad Kanî Kurdayî ku nêzîkî Hevserokê YNKê Lahûr Şêx Cengî ye û 2 pasewanên wî di otomobîlê de rastî êrîşeke çekdarî hatine.
Herwiha çavkaniyeke ji Nexweşxaneya Ranyayê jî ragihand ku cenazeyê du kesên ku bi guleyan hatine kuştin, bo nexweşxaneyê hate şandin.
Li gorî agahiyên berdest, di dema teqekirinê de gule li Murad Kanî Kurdayî û du pasevanên wî ketine û ew rakirine nexweşxaneyê.
Herwiha tê gotin ku Murad Kanî Kurdayî kesekî nêzîkî Hevserokê YNKê Lahûr Şêx Cengî bûye ku ji posta xwe hate dûrxistin.
Murad Kanî Kurdayî û Lahûr Şêx Cengî
Ji aliyê din ve li ber Nexweşxaneya Ranyayê hejmareke zêde ya xelkê kom bûye û heta niha kuştina wan ji aliyê ti berpirsekî fermî ve nehatiye piştrastkirin
Berî bûyerê 4 saetan Kurdayî li ser Facebookê peyamek parve kiribû û gotibû “Ez li Rêveberiya Polîsan a Raparînê li ser erka xwe ye me”.