Li Bajarê Qamişlo yê Rojavayê Kurdistanê, şeva derbasbûyî 2 rojnamevan ji aliyê hêzeke ewlekariyê ve hatin girtin.
Endamê Polîtbîroya Partiya Yekîtî Kurdistan- Sûriye Meirûf Mela Ehmed ragihand, ku kurê wî Bawer ku nûçegihanê Yekîtî Medya ye, ji aliyê hêzeke ser bi PYDê ve hatiye girtin û heta niha çarenivîsa wî ne diyar e.
Her şeva borî, rojnamevan û nivîskar Sebrî Fexrî jî li bajarê Qamişloyê hatiye girtin.
Li gorî cîranekî Sebrî Fexrî, hêzeke ji Asayişê piştî lêdan û sivikatîkirinê ew rojnamevan û nivîskar girtine.
Hêzên ku herdu rojnamevan girtine, dest danîne ser telefonên wan û bi xwe re birine.