Hat ragihandin ku li Parlamentoya Ewropayê lêpirsîna bertîlstandinê hatiye destpêkirin û Cîgira Seroka Parlamentoya Ewropayê Eva Kylie hatiye binçavkirin.
Berdevkê Hikûmeta Federal a Belçîkayê ragihandiye ku lêkolîner guman dikin Eva Kylie ji dewleteke Kendava Erebî bertîl standiye û ji ber wê jî hat binçavkirin.
Hat diyarkirin ku vê yekê bandor li biryarên aborî û siyasî yên ku ji hêla Palamentoya Ewropayê ve hatine pejirandin kiriye.
Herwiha endamtiya Eva Kylie ya Koma Sosyalîst û Demokratan a Parlamentoya Ewropayê hat betalkirin û ji Partiya Tevgera Sosyalîst a Çep a Yunanîstanê jî hat derxistin.
Li gorî medyaya Belçîkayê, welatê ku di dayîna bertîlê de navê wê derbas dibe Qeter e ku ji çavkaniyên pêbawer ew zanyarî hatine bidestxistin.
Lê belê Berdevkê Hikûmeta Qeterê ew îdia red kir û got: “Her îdiayên ku dibêjin, dewleta Qeterê karekî deryasayî kiriye, dûrî rastiyê ne.”
Berdevkê Parlamentoya Ewropayê jî li ser mijarê daye xuyakirin: “Parlamento derbarê lêkolînên heyî de ti daxuyaniyê nade, lê heger jê were xwestin dê bi rayedarên herêmî re hevkariyê bike.”