Li navçeya Şemrexê ya parêzgeha Mêrdînê ya Bakurê Kurdistanê di navbera şêniyên gundekî û karmendên DEDAŞê de alozî derket, herî kêm 3 kes hatin desteserkirin.
Karmendên Kompanyaya Belavkirina Elektrîkê (DEDAŞ) xwestin ji ber deynê elektrîkê yên gundiyan li gundên Kufrek û Şemîkanê yên navçeya Şemrexê elektrîkê qut bikin. Şêniyên gund aciz bûn û bi karmendan re pev çûn.
Hêzên Cendirmeyan yên li cihê bûyerê amade bûn û bi çekan mudaxeleyî pevçûnê kirin û herî kêm 3 kes desteser kirin.
Herwiha ji ber saçmeyên çekên cendirmeyan agir bi zeviyên çandiniyê ket.