Li Herêma Kurdistanê bi mebesta piştavaniya hilberîna berhemên navxweyî û liberçavgirtina berjewendiyên cotyarên Kurdistanê, hawirdekirina firingiyan hat qedexekirin.
Rêveberê Giştî yê Baxdarî, Daristan û Mêrgan li Wezareta Kiştûkaliyê ya Herêma Kurdistanê, Husên Hemekerîm, di konferanseke rojnamevaniyê de re ragihand ku li gor biryara Wezareta Kiştûkaliyê, bi mebesta parastina berjewendiyên cotyarên Kurdistanê, hawirdekirina firingiyan hatiye qedexekirin.
Hemekerîm aşkere kir ku ew biryar 1ê Îlonê dikeve warê bicîkirinê û heta demeke nediyar dê dewam bike.
Husên Hemekerîn diyar kir ku Wezareta Kiştûkaliyê salane bac li ser beşeke berhemên kiştûkaliyê di dema gihiştina berhemên navxweyî de disepîne û got, “Lêbelê îsal ji ber nîgeranî û êş û azarên cotyarên Kurdistanê, cenabê wezîr biryara qedexekirina bi yekcarî ya hawirdekirina firingiyan da.
Hemekerîn diyar kir ku dibe heman biryar bo beşeke berhemên din jî bê wergirtin û got ked û hewldanên cotyarên Kurdistanê hatiye teyît kirin.