Li bajarê Kerkûkê yê Başûrê Kurdistanê, polîsan piştî destpêkirina xwepêşandana Kurdan, qedexeya çûnûhatina nav bajêr ragihand.
Kurd li parêzgeha Kerkûkê, li dijî girtina rêyên bajêr xwepêşandanekê li dar dixin.
Xwepêşander diyar dikin ku heta çekdarên Heşdî Şeibî û alîgirên wê rê venekin, ew dê li ser xwepêşandanan berdewam bin.
Çend hamerên hêzên artêşa Îraqê çûne cihê xwepêşandanê.
Peyamnêrê Rûdawê diyar kir ku leşkerên artêşa Îraqê berê çekên xwe dane aliyê xwepêşanderan.
Çend xwepêşanderên Kurd bi guleyên hêzên artêşa Iraqê birîndar bûn.
Birîndaran ji bo çareserkirinê birin nexweşxaneyê.
Ji aliyê din ve polîsê Kerkûkê jî qedexeya çûnûhatina nav bajêr ragihand.
Rudaw