Wezareta Tenduristiyê ya Îranê ragihand ku di êrişên Îsraîlê de ji roja înê ve li seranserê welêt 224 kes hatine kuştin.
Berdevkê Wezareta Tenduristiyê ya Îranê Huseyîn Kermanpûr, li ser hesabê xwe yê medyaya civakî derbarê kesên ku ji roja destpêkirina êrişan heta niha jiyana xwe ji dest daye û birîndar bûne de agahî da.
Kermanpûr di daxuyaniya xwe de wiha got: "Piştî êrişa 65 saetan a rejîma Siyonîst, 1277 kes birîndar bûn. 224 jin, mêr û zarok şehîd bûn. Ji sedî 90ê qurbaniyan sivîl in."
Ev hejmar, ji hejmara 128 miriyan a ku heta nîvroya şemiyê hatibû ragihandin, nêzîkî sed kesî zêdetir e.