Civîna danasîna Partîya Welatparêzên Kurdistanê (PWK) , roja yekşemê, 22.10.2023yê, li avahîya KOÇ-KAKê, li bajarê Arnhem a Hollandayê pêk hat.
Serokê Komîteya Ewropayê û endamê Komîteya Birevebir a Navendîya PWKyê M.Baran Boskan civîn birevebir. Civînê bi rawestana rûmet girtina nemirên têkoşîna doza azadîya Kurd û Kurdistanê ve destpêkir.
Beşdarên civînê ji her çar parçeyên Kurdistanê partî kesayetiyên kurdan bûn.
Beşdaran bi pêşkêşkirinên desteyên gulan û bi gotinan pîrozbayî ya PWKyê kirin.
M.Baran Boskan di derbarê avabûna PWKyê de agahdarî da û bi kurtayî lênerînên PWK yê di derbareyê bûyera kiryara PKKê ya li Enqereyê û êrîşên Tirkiyeyê li ser gelê kurd ên sivîl ên li Rojavayê Kurdistanê pêşkêş kir. Baran Boskan, nerazîbûna xwe di derbarê êrîşên HAMASê li dijê sivîl û hêzên Îsraîlê û êrîşên Îsraîlê yên li ser gelê Filistînê yên sivîl anî zimên.
Herweha durûtîya cîhanê anî zimên.
Baran Boskan, di derbarê demajoya avakirina PWKyê, rewşa xebat û hevkarîyên salên dawî yên Kurdistana Bakur û rewşa Kongreya avakirina PWKyê de agahdarî da, bîr û rayên PWKyê pêşkêşê beşdaran kir.
Piştre wêneya Serokê PWKyê birêz Mustefa Ozçelîk ya gotara Kongreyê û çend wêneyên ji Kongreya avakirina PWK yê û wêneyên Civîna Çapemenîyê ya piştî Kongreya avakirinê hate pêşkêş kirin.
Her weha siyaseta PWKyê ji beşdaran re hat zelal kirin.
Piştî navbeynekê di beşa duduyan de pirsên beşdaran hatin wergirtin û bi zelalî bersîva wan hat dayin.
Piştî bi germî domandina sê seet û nîvan, civîn bi kêfxweşî ya beşdaran ve bi dawî bû.
Gelek partîyên sîyasî, sîyasetmedar û rewşenbîrên Kurd, li gel endamên PWKyê beşdarî civînê bûn.
Buroya Ragehandinê ya Partîya Welatparêzên Kurdistanê (PWK)