Li bajarê Girê Spî yê Rojavayê Kurdistanê ku niha di bin kontrola artêşa Tirkiyê û grûpên çekdar ên girêdayî wê de ye, çekdaran gule li welatiyan reşandin û 2 welatî birîndar kirin.
Li gorî çavkaniyên Xwecihî, hejmareke çekdar ji grûpa El Cebha Elşamiyê, piştî nîvê şevê li gundê Eyn Erûs li başûrê bajarokê Girê Spî avêtine ser 4 malan.
Di dema êrîşê de çekdaran gule reşandin û di encam de 2 kesên bi navê Yasir û Xalid Emar birîndar bûn.
Kesên birîndar ji bo nexweşxaneya Girê Spî hatin şandin.
Li gorî heman çavkaniyan, 5 kes jî bi tometa hebûna peywendiyan ligel Hêzên Sûriya Demokratîk (HSD), hatin girtin.
Di 2 hefteyan de ev cara duyem e ku Cebeha Elşamiyê êrîş gundê Eyn Erûs dikin.